Halaal islamic media Murannoofi qalbii hiruu jidduu,carraafi gaddis jiraa beeki. ila Qalbii hirraan,kan murannoo qabutu si nyaataa beeki, qalbii hirraan,kan sirra dadhabaattu si hinjifataa argi, qalbii hirraan,ufii billawa ittiin kitimamtu ufitti qarattee dhiisi. Jaaloo Bineensi fiigichaan leenca caala furga’u heddutu jiraa xiinxalli,bineensi utaalchaan,qeerransa caalaa galda’u heddutu jiraa daawwadhu,wanti leencaafi qeerransi maqaa argatanii,uf kabajsiisanii,mootii tahanii,sodaa tokko malee,daggala mana godhatanii,sodaatamanii jiraataa jiraniif,gootummaa,ijjannoo,murannoofi ufitti amantii waan qabaniif,malee,guddinaaf Arbi jiraa laali, dheerinaaf sattawaan jiraa argi,ciminaaf gaalli jiraa taajjabi,wanti isaan kan fedhan dhadhoolaa jiraataniif, akka dandahan waan ufitti humanii,inni biraas itti amanee,nu moohachuu ni danda’an jedhee ufitti himeefii hubadhu. Obbolaa Qalbii hirraan,uf duuba laaluu guddistaa beeki,imala fuula kee dura jiruuf,uf duuba sagal garagaluutti kaanaan,si dhi...